Түбән Камада «PRO СТО» белем бирү фестивале төгәлләнде

Фестивальдә катнашучылар белән Түбән Кама мэры Рамил Муллин очрашты. Студентлар аңа сораулар бирделәр һәм шәһәрдә яшьләр хәрәкәтен үстерү буенча үз идеяләрен тәкъдим иттеләр. Күпчелек студентлар заманча яшьләр киңлекләрен булдыруны телиләр. Шулай ук егетләр-кызлар тәҗрибә тупласыннар һәм киләчәктә шунда эшкә урнаша алсыннар өчен, Түбән Кама предприятиеләре эшенә студентлар отрядларын җәлеп итү идеясе дә яңгырады.