Студентларның «Лига форум»ы Түбән Камада өч этапта узачак
Форум гадәттәгечә өч тематик сменага бүленгән.
26 августтан 12 сентябрьгә кадәр Түбән Каманың «Кама Артегы» яшьләр үзәгендә «Лига Форум» XI студентлар мәгариф форумы узачак. Татарстаннан һәм Россиянең башка төбәкләреннән 900дән артык студентны җыячак чара «Бүген эшләп киләчәкне булдыр» девизы астында узачак.
Форум гадәттәгечә өч тематик сменага бүленгән. Беренчесе — көллият һәм техникум укучылары өчен «Профессионаллар лигасы» (26-30 август). «Университетлар лигасы»ның икенче сменасы (2-6 сентябрь) югары уку йортлары студентларына, ә өченчесе «Җитәкчеләр лигасы» (8-12 сентябрь) студентлар оешмалары лидерларына юнәлдерелгән.
Һәр программа шәхси үсешкә, һөнәри үсешкә һәм идарә итү күнекмәләренә багышланган уникаль белем бирү блокларын үз эченә ала.
Катнашу өчен дүрт этаптан торган сайлап алу конкурсы узарга кирәк. Теркәлү 21 июльгә кадәр ligastudentov.com форумының рәсми сайтында ачык.
Оештыручылар — Татарстан Республикасы Хөкүмәте, яшьләр эшләре министрлыгы һәм «Татарстан Республикасы Студентлар лигасы» төбәк яшьләр иҗтимагый оешмасы.
Форум «Яшьләр һәм балалар» илкүләм проекты кысаларында Татарстан Рәисе Рөстәм Миңнеханов ярдәме белән уздырыла.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев