Вильфанд: Россиянең кайбер төбәкләренә −40 градуска кадәр салкыннар киләчәк

Россиянең кайбер төбәкләренә −20дән −40 градуска кадәр аномаль салкыннар киләчәк.

Кисәк салкынайту Урал һәм Себернең төньягында, Байкал аръягы краенда, Бурятиядә һәм Иркутск өлкәсендә көтелә, дип хәбәр итте РИА Новости Россия Гидрометеоүзәгенең фәнни җитәкчесе Роман Вильфанд.

Шулай итеп, аномаль салкын һава торышының иң югары ноктасы Якутиягә туры киләчәк. Анда һава температурасы −40 градуска кадәр төшәчәк. Красноярск краенда −35, Иркутск өлкәсендә −30 кадәр салкыннар көтелә.

Татарстанда исә әлегә начар һава торышы күзәтелә. Республикага көчле җил белән көчле яңгырлар килде. Алдагы көннәрдә явым-төшем туктамый.