Узган атнада Түбән Камада 35 бала туган

Түбән Кама перинаталь үзәгендә бер атна эчендә 35 сабый туган, шуларның 8е — башка шәһәрнекеләр.

Кабул итү бүлмәсендә 418 мөрәҗәгать теркәлгән, ә перинаталь үзәктә — 76, дип хәбәр иттеләр хастаханәнең матбугат хезмәтендә.

Поликлиникаларга ОРВИ диагнозы белән 473 бала мөрәҗәгать иткән, травмпунктка — 418 пациент. Хатын-кызлар консультациясендә хисапта 1 083 йөкле хатын-кыз тора. 278 пациент стационар дәвалануда. Яңа туган һәм вакытыннан алда туган балалар патологиясе бүлегендә 14 сабый һәм 11 әни дәвалана.