Түбәнкамалыларны 26 апрельдә Шигърият бәйрәменә чакыралар

Түбән Камада ел саен бөек шагыйребез Габдулла Тукайның туган көнендә аның һәйкәле янында Шигърият бәйрәме уздырыла.

Быел да оештыручылар шәһәрдәшләрне Г. Тукай исемендәге уку һәм ял паркында уздырылачак «Тукай моңы — халкым җыры» дип аталган шигърият бәйрәменә чакыра.

Бәйрәм чаралары 26 апрельдә 10.30 сәгатьтә башлана. Биредә осталык дәресләре, китап ярминкәсе узачак, «ачык микрофон» һәм төрле кызыклы ярышлар белән үрелеп барачак.

Бәйрәм 12.30 сәгатьтә Тукай һәйкәле янында шигъри митинг белән дәвам итәчәк.