Түбәнкамалыларга коммуналь хуҗалык өчен түләүләрнең 11 миллион сумын кире кайтарганнар

2025 ел башыннан татарстанлыларга торак-коммуналь хезмәтләр өчен артык исәпләнгән түләүләр өчен кире кайтарылган акчаның гомуми суммасы 13,6 млн сумнан артып киткән.

ТР Дәүләт торак инспекциясе матбугат хезмәте язганча, бу акчаларның бөтенесе дә диярлек сыйфатсыз хезмәтләр өчен кире кайтарылган. Бары тик 601 мең сум гына — башка исәпләүләр өчен.

14 муниципалитетта яңадан исәпләүләр башкарылган, һәм аларның төп өлеше Түбән Камага туры килә — 11,3 млн сум.