Түбәнкамалылар «Это у нас семейное» бәйгесендә катнаша ала

Түбәнкамалылар «Это у нас семейное» бәйгесендә катнаша ала. «Россия — мөмкинлекләр иле» президент платформасының яңа проектына, командага берләшеп, теләсә кайсы гаилә кушыла ала. 

Бәйгегә нәтиҗәләр 2024 елда ясалачак. Җиңүче гаиләләр торак шартларын яхшырту өчен сертификатка ия булачак яки сәяхәткә чыга алачак. 

Теркәлү 4 ноябрьгә кадәр дәвам итә. Бәйгедә дүрт һәм аннан да күбрәк туганнардан торган командалар катнаша ала, алар арасында ким дигәндә өч буын вәкилләре булырга тиеш.

Бәйге берничә этаптан тора, шул исәптән, дистанцион этап һәм округ ярымфиналы һәм киләсе елның җәендә Мәскәүдә финал белән тәмамланачак, анда бөтен илдән 300 гаилә җыелачак. 

Бәйгенең оештыручылары — «Росмолодежь», «Беренчеләр хәрәкәте», «Знание» Россия җәмгыяте һәм «Больше, чем путешествие» унитар оешмасы.

Фото: видеодан скриншот