Түбәнкамалыга машинасы белән агачларга бәрелгән өчен штраф түләргә туры киләчәк

Түбән Кама суды биш усакны җәрәхәтләгән түбәнкамалының эшен карады. Бу хакта Түбән Кама районының 6 нчы суд участогы матбугат хезмәте хәбәр итә.

Эш материалларыннан күренгәнчә, ир-ат, машина йөрткәндә, агачларга бәрелә, диаметры 16 сантиметр булган биш кәүсәне зарарлый. Шуннан соң усаклар үсүдән туктый.

Шуңа бәйле рәвештә Түбән Кама кешесе административ хокук бозуда гаепле дип таныла. Аңа дүрт мең сум күләмендә штраф билгеләнгән.