Түбән Каманың «Ветеран» бакча ширкәтендә мунча янган

Түбән Кама районындагы «Ветеран» бакчачылык ширкәтендә мунчага ут каба, янгын сүндерүчеләр килгәнче хуҗасы аны электр утыннан өзәргә җитешә.

Коткаручылар исә башка проблема белән очраша: ялкын теләсә кайсы вакытта якында гына торган йортка күчәргә мөмкин. Янгын сүндерүчеләрнең бер өлеше йортны саклый, икенчеләре мунчаны сүндерү белән шөгыльләнә.

Янгын нәтиҗәсендә 20 кв. м мәйданда мунча янып беткән, йорт зыян күрмәгән. Хуҗа зыян суммасын 500 мең сум дип бәяләгән.

Башлангыч версия буенча, янгын төтенгечнең дөрес төзелмәве сәбәпле чыккан, дип аңлаттылар Түбән Кама районы буенча күзәтчелек эшчәнлеге һәм профилактика эшләре бүлеге матбугат хезмәтендә.