Түбән Каманың үзәк китапханәсендә МХО батырлары истәлегенә багышланган мемориаль күргәзмә эшли

Габдулла Тукай исемендәге үзәк китапханәдә махсус хәрби операция батырлары истәлегенә багышланган мемориаль күргәзмә эшли.

Экспозицияләрнең берсе хезмәт бурычын үтәгәндә һәлак булган танылган Түбән Кама журналисты Александр Комаров истәлегенә багышланган. Мемориаль почмакта геройның тормышы һәм һөнәри юлы турында сөйләүче фотосурәтләр, газеталардан мәкаләләр, шәхси әйберләре урын алган. 24 июльдә, аңа 38 яшь тулган булыр иде. Александр Комаров 2015 елдан ул «Нефтехимик» эзтабарлар отрядында ел саен «Хәтер вахтасы»на бара, Бөек Ватан сугышында һәлак булган сугышчыларның җирләнмәгән сөякләрен эзләп табып, җирләү белән шөгыльләнә, «хәтер юллары» программаларының тулы бер видео циклын төшерә. 

2023 елның февралендә Саша махсус хәрби операция зонасында, Угледар янындагы сугышларда һәлак була. Дуслары аны күпкырлы шәхес буларак искә ала. 

Икенче күргәзмә Гани Сафиуллин исемендәге Татарстан кадетлар корпусын тәмамлаган Шәүкәт Маняпов истәлегенә багышлана. Шәүкәт Маняпов та 2022 елда махсус операция барышында һәлак булган. Ул отделение командиры булып хезмәт иткән, үлгәннән соң «Батырлык» ордены белән бүләкләнгән. 

Китапханә хезмәткәрләре түбәнкамалыларны һәм кунакларны күргәзмәләргә килергә һәм каһарманнарны искә алырга чакыра.