Түбән Каманың Тукай исемендәге китапханәсендә Нурзия Мирхазова белән очрашу була

30 мартта Габдулла Тукай исемендәге үзәк китапханәдә, «Ихлас» проекты кысаларында узучы «Заман сулышын тоеп...» дип исемләнгән әдәби-музыкаль кичә була. 

Очрашу кунагы — шәһәрдәшебез, 64 нче балалар бакчасы мөдире, Бөтендөнья татар конгрессының Түбән Кама бүлеге каршында эшләп килүче «Татар гаиләләре» фонды җитәкчесе, «Ак калфак» оешмасы һәм «Кама таңнары» әдәби берләшмәсенең актив әгъзасы, 11 китап авторы, Татарстан язучылар берлеге әгъзасы, Шәйхи Маннур, Каюм Насыйри исемендәге әдәби премияләр лауреаты Нурзия Рәшит кызы Мирхазова. 

Кичә 13.00 сәгатьтә башлана. Килгән кунаклар шунда ук оештырылган «Күңелемә сыймый хисләрем» дип исемләнгән күргәзмә белән таныша алалар.