Түбән Каманың мәктәпкәчә яшьтәге балалар җыр һәм строй конкурсында төрле гаскәрләрне тәкъдим иттеләр

Түбән Камада шәһәр балалар бакчалары арасында җыр һәм строй смотр-конкурсы узды. Финалда 11 мәктәпкәчә учреждение катнашты.

Катнашучылар төрле гаскәрләрне тәкъдим итте. Десантчылар, пехотачылар, танкистлар һәм хәтта очучылар да марш белән үтте.

Җитди жюри һәр взводны биш критерий буенча бәяләде. Алар арасында, мәсәлән, строй адымы, синхронлык, башкару осталыгына игътибар бирелде.

6 нчы балалар бакчасында тәрбияләнүчеләр алдынгы дип танылды. Алар инде өченче мәртәбә җыр һәм строй смотр-конкурсында беренче урын ала.