Түбән Каманың «Кама» пляжында ир-атны коткарганнар

Түбән Кама районының Красный Ключ бистәсендәге «Кама» пляжында бер ир-атны коткарганнар.

Россия гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләүләренчә, коткаручылар кизү торганда су коенучы ир-атның бата башлавын күрәләр. Соңрак ачыкланганча, ир-атны көзән җыера башлый.

Коткаручылар аны ярга чыгаралар һәм ашыгыч ярдәм чакырталар. 52 яшьлек ир-ат көзән җыеру синдромы белән медикларга тапшырыла.