Түбән Каманың ике паркында заманча таулар урнаштырылды

Яңа ел алдыннан Түбән Каманың «Семья» һәм «Солнечная поляна» паркларында заманча таулар куелды.

Хәзер һәр бала биеклектән махсус чанада яки «ватрушка» да төшеп, үзен боз маҗараларының чын герое итеп хис итә алачак.

Балаларның куркынычсызлыгына аерым игътибар бирелә: тауларның озынлыгы 24 метр тәшкил итә, хәтта иң кечкенәләргә дә уңайлы төшү мөмкинлеге бирә.

Барлык таулар да сертификация узган һәм сыйфат стандартларына туры килә.