Түбән Каманың бакчачылык ширкәтләрендә ут бирү һәм автобуслар йөри башлау вакыты билгеле булды

Түбән Кама бакчачылары участокларны сезонга әзерли башлады. Әлегә массивларда халык күп түгел, әмма якын арада вәзгыять үзгәрәчәк. Һава шартлары аркасында дача сезоны иртәрәк башланачак.

«Элек без 15 нче числодан ут бирсәк, быел инде 1 апрельдән бирергә ниятлибез. Автобуслар буенча да шулай ук, хәзер автобусларны иртәрәк йөртә башласыннар өчен башкарма комитетка мөрәҗәгать итәчәкбез, әмма әлегә төгәл вакыты билгеле түгел», — дип сөйләде «Түбән Кама СНТ ассоциациясе» рәисе Илһам Булатов.