Түбән Камадан армия сафларына чакырылучыларның беренче төркеме армиягә китте — видео

Сишәмбе, 22 апрельдә, язгы чакырылыш кампаниясе кысаларында Түбән Камадан армиягә 21 кеше китте.

Яшьләр хәрби хезмәтне Россия милли гвардиясе частьларында, стратегик билгеләнештәге ракета гаскәрләрендә, хәрби-диңгез флотында узачак.

Шәһәр һәм район хәрби комиссары Газинур Ситдыйков егетләргә үгет-нәсыйхәт сүзләре әйтте.

Язгы чакырылыш кампаниясе вакытында өч йөзгә якын түбәнкамалыны армия сафларына җибәрү планлаштырыла.