Түбән Камада хәбәр итү системасы 27 яңа сирена белән тулыландырылды
Республиканың автоматлаштырылган хәбәр итү системасын модернизацияләүнең беренче этабы кысаларында, 2026 елда Түбән Камада 27 яңа сөйләү сиренасы урнаштырылган, март ахырына кадәр шәһәр территориясендә тагын җиде сирена урнаштыру планлаштырыла.
Бу хакта Түбән Кама муниципаль районы Башкарма комитетының Гражданнар оборонасы һәм гадәттән тыш хәлләр буенча идарәсе хәбәр итте.
Икенче этап барышында Түбән Кама районының авыл җирлекләрендә хәбәр итү системаларын җиһазлау планлаштырыла, бу муниципаль берәмлек халкының 100 процентын колачларга мөмкинлек бирәчәк.
Чәршәмбе, 4 март көнне, хәбәр итү системасын планлы тикшерү үткәреләчәк. Сирена10:45 сәгатьтә эшли башлаячак.
Халыктан тынычлыкны саклау һәм каушамау сорала – бу куркынычсызлык өчен кирәкле чара.
Следите за самым важным и интересным в Telegram-каналеТатмедиа
Нет комментариев