Түбән Камада Вокзальная урамын 2 сәгатькә ябачаклар

Корабельная урамы боҗрасыннан Вокзальная урамындагы 24 нче йортка кадәрге участогы 10 сәгатьтән 12 сәгатькә кадәр ябык булачак.

Шәһәр администрациясенең матбугат хезмәтендә аңлатуларынча, бу юл-транспорт һәлакәтеннән соң урам баганаларын ремонтлау белән бәйле.

«Машина йөртүчеләргә маршрутны алдан планлаштыруларын һәм әлеге участокны урап узуларын сорыйбыз. Җәяүлеләргә шулай ук сак булырга киңәш ителә», — дип билгеләделәр администрациядә.