Түбән Камада ветераннарның «Балкыш» республика үзешчән башкаручылар фестиваленең гала-концерты булды

17 майда Түбән Камада ветераннарның «Балкыш» республика үзешчән башкаручылар фестиваленең гала-концерты булды. Бу хакта Түбән Кама хакимиятенең матбугат хезмәте хәбәр итә.

Халык иҗаты йорты сәхнәсендә фестивальнең Казан, Түбән Кама, Яр Чаллы, Бөгелмә, Алабуга һәм республиканың башка шәһәрләре һәм районнары лауреатлары чыгыш ясады.

Концертта сәламләү сүзләре белән Түбән Кама һәм Түбән Кама муниципаль районы башлыгы Рамил Муллин һәм Татарстан ветераннары һәм пенсионерларының төбәк иҗтимагый оешмасы рәисе Хәбир Иштирәков чыгыш ясады, фестивальнең мөһимлеген һәм кирәклеген ассызыкладылар, шулай ук ветераннарга хезмәтләре өчен рәхмәт белдерделәр.