Түбән Камада ветераннарга хокукый ярдәм акциясе башланды

21-30 апрель көннәрендә Түбән Камада Бөек Ватан сугышы ветераннарына, хәрби хәрәкәтләрдә, махсус хәрби операцияләрдә катнашучыларга һәм аларның гаилә әгъзаларына түләүсез юридик ярдәм күрсәтү буенча махсус акция узачак.

Чара Ватанны саклаучылар елы кысаларында һәм Бөек Ватан сугышында Җиңүнең 80 еллыгына багышланган. Шәһәрнең нотариаль конторалары кабул итүнең махсус графигын әзерләде:

• Химиклар проспекты, 57 адресы буенча урнашкан офиста консультацияләр дүшәмбедән җомгага кадәр 9 дан 12:00 гә кадәр һәм 13:00 дән 17:30 га кадәр, ә шимбә көнне 10:00 дән 14:00 гә кадәр үткәреләчәк;
• Шинчылар проспекты, 1а адресы буенча ветераннар 10 сәгатьтән 15 сәгатькә кадәр ярдәм ала алачак.

Татарстан Республикасы Адвокатлар коллегиясенең Түбән Кама филиалы да акциягә кушыла. Юридик консультацияләр Шинчылар проспекты, 38 (1012 нче офис) адресы буенча 26 һәм 27 апрельдән тыш көн саен 12:00 дән 14: 00 гә кадәр үткәреләчәк. Барлык сораулар буенча 8 (8555) 40-41-31 телефоны буенча мөрәҗәгать итәргә була.