Түбән Камада ВДВның 95 еллыгы уңаеннан тантаналы митинг узачак

2 августта Түбән Кама Һава-десант гаскәрләренә нигез салынуга 95 ел тулуны билгеләп үтәчәк.

10:00 сәгатьтә сугышчы-интернационалистлар истәлегенә багышланган комплекс янында җитәкчеләр, сугыш хәрәкәтләре ветераннары, һәлак булган хәрбиләрнең туганнары, мәктәп укучылары һәм шәһәр кешеләре катнашында тантаналы чара узачак.

Митинг хәрби бурычларын үтәгәндә һәлак булганнар истәлегенә бер минутлык тынлык һәм чәчәк салу тантанасы белән тәмамланачак.