Түбән Камада Вахитов проспектындагы юл участогын ике көн буена ябачаклар

Түбән Камада Вахитов проспектында Сүбәләк урамыннан Химиклар — Вахитов боҗрасына кадәр юл участогын капиталь ремонтлау вакытында автотранспорт йөрүе чикләнәчәк.

Бу хакта шәһәрнең Төзелеш, торак-коммуналь хуҗалык һәм төзекләндерү департаменты кисәтә.

7 майда юлның так саны ягы буенча, ә 10 майда җөп саннары ягы буенча участогы ябылачак.

Автомобильчеләрдән юл хәрәкәте кагыйдәләрен һәм ремонтлана торган участоклар буенча хәрәкәт иткәндә юл билгеләре таләпләрен үтәүләрен сорыйлар.