Түбән Камада вакансияләр ярминкәсендә 1,8 мең эш урыны тәкъдим ителәчәк

Татарстанда 28 июньдә «Работа России. Время возможностей» Бөтенроссия эшкә урнаштыру ярминкәсенең федераль этабы узачак.

Чаралар 49 мәйданчыкта үткәрелә. Вакансияләр белән беррәттән «Демография» илкүләм проекты буенча модернизацияләнә торган заманча мәшгульлек хезмәтенең барлык мөмкинлекләре дә тәкъдим ителәчәк.

Түбән Камада чара «База» үзәгендә узачак. Ул иртәнге сәгать 10да башлана. Аның барышында 30 эре сәнәгать һәм җитештерү компаниясе Түбән Кама районы территориясендә эшкә урнашу өчен 1,8 мең эш урыны тәкъдим итәчәк.