Түбән Камада узган йомгаклау планеркасында Кыш бабай һәм Кар кызы кунак булды

Золушка, Кыш бабай һәм Кар кызы Түбән Кама администрациясе бинасында «Эшлекле дүшәмбе» кунаклары булдылар.

Традиция буенча, киңәшмәдә ел йомгаклары ясалды. Авырлыкларга карамастан, ел яхшы булды, барлык өлкәләр дә үсеш алды.

Шәһәр һәм районда юллар гына да 2 млрд сумга ремонтланган. Моннан тыш, санкцияләргә карамастан, предприятиеләр уңышлы эшләде, мәгариф, сәламәтлек саклау, спорт һәм мәдәният өлкәләре яхшы нәтиҗәләр күрсәтте.

«Якынлашып килүче бәйрәм белән чын күңелдән котлыйсым килә. Түбән Камада яшәүче һәр кешегә, районыбызда яшәүчеләргә, илебез азатлыгын яклаучы егетләребезгә киләчәк хакына бергәләп эшләгәннәре өчен рәхмәт белдерәсем килә. Барыгызга да сәламәтлек, иминлек һәм шатлык телим. Бәйрәм белән!»- диде Түбән Кама мэры Рамил Муллин.