Түбән Камада туып-үскән егет туган шәһәренә педиатр булып эшкә кайтты

Түбән Кама балалар район хастаханәсендә хәзер яңа табиб-педиатр эшли. Ул — Түбән Камада туып-үскән Тимур Гайфиев.

Казан балалар поликлиникасында бер ел практика узганнан соң, яшь белгеч үзе теләп туган шәһәренә эшкә кайтырга булган.

Тимур Гайфиев хәзерге вакытта ординатураны тәмамлый һәм хастаханәнең йогышлы авырулар бүлегендә остазлар җитәкчелегендә стажировка уза. Киләсе елдан ул медицина учреждениесе белгече булып эшли башлаячак.

«Балачактан мин җәмгыятькә файда китерергә теләдем. Ни өчен педиатрия? Балалар белән эшләү күңеллерәк. Баланың һәм әнинең бәхетле булып өйләренә кайтып китүен күрү өчен генә дә эшләргә була», — дип саный Тимур.

Хезмәттәшләре яшь табибның әти-әниләр белән аралашу принцибын билгеләп үтә — Тимур мөһим мәгълүматны тыныч һәм аңлаешлы итеп җиткерә белә. Хәзерге вакытта Тимур Гайфиев пациентларны кабул итә һәм өлкән хезмәттәшләре контролендә дәвалану билгели.

Фото: t.me/dgbspcnk