Түбән Камада тупыл ябалдашларын кистеләр

Түбән Камада 8 апрельдә Вокзал урамындагы юл участогы ябылды. Биредә 10 апрельгә кадәр тирәкләрнең ябалдашларын кисәчәкләр. Бу кирәкле чара.

«Хәзерге вакытта Вокзал урамында агачларның ябалдашларын кисү эшләре бара, анда агачлар зур, тупыл — йомшак агач, вакытында ябалдашларын кисеп тормасаң, көчле җил һәм көчле яңгырлар вакытында ботаклар үтеп баручы транспортка һәм кешеләргә төшәргә мөмкин», — дип аңлатты «КПБ» ҖЧҖ участогы башлыгы Татьяна Исаева.

Мондый кисүне яз һәм көз көннәрендә, агачның ботаклары үсеп киткәнче үткәрәләр. Аның каравы, кисүдән соң, ул яңа көч белән үсә башлый, ә җәй көне мондый тупылларның мамыгы булмаячак, аннан аллергиклар интегә.

Ябалдашлары киселгәннән соң тупылларның өч ел буена мамыгы булмый. Агачларда сок хәрәкәте башланганлыктан, бу язда агачларны соңгы тапкыр кисәләр. Мондый эшләрне көз көне яңартачаклар.

Элегрәк, март аенда шәһәрне төзекләндерү комплекслы предприятиесе хезмәткәрләре агачлар формалаштырып кискәннәр иде инде. Ябалдашларына эстетик кыяфәт бирү һәм аларның үсешен стимуллаштыру өчен авыру һәм коры ботакларны кистеләр.