Түбән Камада традицион «Блокада икмәге» акциясе узачак

Түбән Камада бүген, 27 гыйнварда,  Ленинградны блокададан тулысынча азат итүнең 81 еллыгына багышланган «Блокада икмәге» акциясе узачак. Ул ел саен ленинградлыларның батырлыгы һәм фидакарьлеге истәлегенә үткәрелә.

Чарага килүчеләрне сугыш еллары җырлары һәм шигырьләре, блокадалы Ленинградта яшәүчеләрнең батырлыгы турында буклетлар, сугыш чоры әйберләре, тематик китаплар һәм фотографияләр күргәзмәсе көтә. Шулай ук акциядә катнашучыларга блокададагы шәһәрнең тормыш һәм өмет символы булган 125 граммлы арыш ипиен таратачаклар.

Акция 14:30дан 16:30га кадәр шәһәрнең дүрт мәйданчыгында узачак:

• Үзәк базар янында;
• Татар драма театры янында;
• «Сити Молл» сәүдә үзәге янында;
• «Барс-3» сәүдә үзәге янында.