Түбән Камада тонометрларны бушлай тикшерү үткәреләчәк

Түбән Кама халкы «Будь уверен! Будь здоров!» Бөтенроссия акциясе кысаларында үз тонометрларын бушлай тикшерә алачак. Бу хакта үзәк район хастаханәсенең матбугат хезмәте хәбәр итә.

5 апрельдә 9-17 сәгатьләрдә «ЦСМ Татарстан» белгечләре бушлай кабул итү үткәрәчәк. Беләзекле тонометрлардан тыш, барлык төр тонометрларны (автоматик, ярымавтоматик, механик, терекөмешле) тикшерү үткәрелә. Шулай ук белгечләр аппаратларны куллану буенча киңәшләр бирәчәк.

Түбән Кама халкын Төзүчеләр проспекты, 38 нче йортта көтәләр.