Түбән Камада «Театраль палитра» фестиваленең гала-концерты узды

Түбән Камада «Театраль палитра» Бөтенроссия балалар театрлары фестиваленең гала-концерты булды, анда мәктәпкәчә учреждениеләр студияләре катнашты.

«Театраль палитра» балалар театрлары фестивале Түбән Камада берничә ел үткәрелә. Анда мәктәпкәчә учреждениеләр студияләре катнаша. Күптән түгел генә конкурс Бөтенроссия статусын алды.

Кичә тамашачылар фестиваль лауреатлары һәм призерлары булган биш балалар бакчасының иң яхшы спектакльләрен күрә алды. Киләчәктә алар барысы да яшь тамашачылар театрының «Талантлар остаханәсе» театраль конкурсында катнаша алачак.