Түбән Камада Татарстан Республикасы көненә багышланган чаралар узачак

Шәһәрлеләр һәм кунаклар өчен дистәләгән чаралар әзерләнде — концерт һәм фестивальләрдән алып спорт турнирларына кадәр, мастер-класслар һәм балалар өчен интерактив мәйданчыклар.

Бәйрәм урыннары берьюлы берничә урында: Н. В. Лемаев исемендәге скверда, «Гаилә», «Кояшлы алан», Тукай исемендәге уку һәм ял паркларында оештырылачак.

МХО катнашучылары һәм ветераннары арасында кул көрәше буенча Татарстан Рәисе Кубогы үзәк вакыйгаларның берсе булачак. Ярышлар «Факел» спорт залында узачак, башлана 10:30 да.

Шәһәрнең «Гаилә» паркында төш вакытыннан бай программа старт ала: виртуаль чынбарлык буенча мастер-класслар, сәнгать мәктәбен тәмамлаучыларның диплом эшләре күргәзмәсе, Туфан Миңнуллин исемендәге драма театрыннан «Уен Фест» спектакле, ачык спорт тренировкалары, хәйрия акцияләре һәм бәйрәм концертлары.

Лемаев скверы китап вакыйгалары үзәгенә әвереләчәк. Биредә көндезге сәгать 11дә «Сменалар» Кама китап фестивале башлана, аның кысаларында ярминкә, лекцияләр, воркшоплар, балалар һәм өлкәннәр өчен мастер-класслар, шахмат турниры, тематик күргәзмәләр һәм хәтта dog-friendly фестивале узачак.

«Кояшлы алан» паркында спорт тренировкалары, мастер-класслар, «Татарстан йөрәгендә дуслык» концерты һәм балалар өчен интерактив программа планлаштырылган.

Г. Тукай исемендәге паркта кунакларны ярминкә, күргәзмәләр һәм мастер-класслар, МХО өчен маскировка челтәрләре үрү, шулай ук «Мин яратам сине, Татарстан» концерты көтә.