Түбән Камада «Татарстан энҗеләре» халыкара фестивале узачак

Түбән Камада «Татарстан энҗеләре» VII Халыкара сәнгать фестиваль-конкурсы узачак.

Оештыручылар хәбәр иткәнчә, ул ике көн дәвамында — 10-11 февральдә үткәрелә.

Бәйге Салих Сәйдәшев исемендәге музыка көллиятендә һәм Халык иҗаты йортында оештырылачак.

Фестивальдә катнашучылар өчен яшь чикләүләре юк, конкурсантларны ун номинация буенча бәялиләр:

• «Инструменталь башкару»;
• «Академик вокал»;
• «Вокал»;
• «Сәнгатьле сүз»;
• «Хореография»;
• «Мода театры»;
• «Декоратив-кулланма иҗат һәм сынлы сәнгать»;
• «Вокаль-хореографик ансамбльләр»;
• «Профи»;
• «Оста һәм шәкерт».