Түбән Камада тагын 14 ларекны сүтәчәкләр

Түбән Камада узган ел эчендә 26 стационар булмаган сәүдә павильоны сүтелде, якындагы айларда тагын 14 ларекны сүтәргә ниятлиләр. Бу хакта НТР 24 телеканалына эшмәкәрлекне үстерү һәм ярдәм итү идарәсе башлыгы Илнар Сираев сөйләде.

«2024 елда 26 ларек сүтелде. Хәзер якындагы айларда тагын 14не сүтү бурычы тора. Һәм шәһәрдә 15 сәүдә павильоны гына калачак, алар белән әле ахыргача килешүгә ирешелмәгән, әмма сөйләшүләр бара. Мин ышанам, без 2025 ел ахырына кадәр боларның барысын да бетерәчәкбез», — дип сөйләде җитәкче.