Түбән Камада СВО геройларына багышланган истәлек комплексына эскизлар конкурсы дәвам итә

Түбән Камада махсус хәрби операция геройларына багышланган истәлекле комплексларның иң яхшы эскизына конкурс дәвам итә.

Ватанны саклаучылар истәлеге ике мемориаль комплекста мәңгеләштереләчәк: Җиңү монументы янында һәм Сугышчан Дан аллеясында.

Конкурста теләге булган һәркем: архитекторлар, рәссамнар, дизайнерлар һәм Түбән Каманың битараф булмаган кешеләре катнаша ала. Индивидуаль һәм төркемле эшләр кабул ителә. Эскизларга төп таләп — СВО катнашучыларының батырлыгын чагылдыру.

Эшләр 22 февральгә кадәр smi.nk@mail.ru. электрон почтасына кабул ителә. Җиңүче сугыш хәрәкәтләре ветераннары, махсус операциядә катнашучыларның гаиләләре һәм Сугышчан туганлык вәкилләре катнашында уртак тавыш бирү нәтиҗәсендә билгеләнәчәк.