Түбән Камада «Студентлар язы — 2025» старт алды

Түбән Камада егерменче тапкыр «Студентлар язы — 2025» үткәреләчәк. Сайлап алу этапларына старт бирелде инде.

Җиңүнең 80 еллыгына һәм Ватанны саклаучылар елына багышланган Фестиваль «Мирас» мәдәният сараенда шәһәрнең дүрт уку йортыннан 150 студентны җыйды.

Үз чыгышларында катнашучылар сугыш һәм сугыштан соңгы чор темаларына кагылды, шулай ук үзләренең булачак һөнәрләренең үзенчәлекләрен чагылдырды. Талантлы студентларны мәдәният һәм яшьләр сәясәте эшлеклеләре бәяләячәк.