Түбән Камада «Созвездие-Йолдызлык» юбилей фестивале башланды

Түбән Камада 2 мартта эстрада сәнгатенең «Созвездие-Йолдызлык» 25 нче ачык республика телевизион яшьләр фестиваленең зона этабына старт бирелде.

Чара ике көн дәвамында Халык иҗаты йортында узачак. Бу этапта Зәй, Сарман һәм Түбән Кама районнары катнаша.

Түбән Камадан 9 хореография коллективы, 21 вокалист, 4 вокаль ансамбль һәм 2 конферансье чыгыш ясый.

Фестиваль җиңүчеләре 19-24 апрельдә узачак суперфиналга юл тотачак.