Түбән Камада «Созвездие-Йолдызлык» фестиваленең зона этабы узачак

Түбән Камада эстрада сәнгатенең «Созвездие-Йолдызлык» XXV ачык республика телевизион яшьләр фестиваленең зона этабы узачак. Чара 2 һәм 3 мартта Халык иҗаты йортында узачак.

Зона этабында Түбән Кама, Зәй һәм Сарман районнарыннан 1000гә якын талантлы егет һәм кыз катнашачак. Конкурсантлар «Хореография», «Вокал-соло», «Вокаль ансамбльләр» һәм «Конферанс» номинацияләрендә чыгыш ясый.

Түбән Камадан 9 хореография коллективы, 21 вокалист, 4 вокаль ансамбль һәм 2 конферансье чыгыш ясар дип көтелә.

Фото: «Созвездие-Йолдызлык» фестивале матбугат хезмәте