Түбән Камада Соболеково юлында капиталь ремонт башланды

Түбән Камада Соболековская һәм 2 нче сәнәгать урамнарындагы юлларны капиталь ремонтлау башланды.

Эшләрне республика программасы кысаларында «Алексеевскдорстрой» башкара. Юлчылар иске асфальтны фрезерларга керештеләр инде. 2,77 км юл өслеге яңартылачак, шулай ук аергыч киртә урнаштырылачак, дип хәбәр итә Түбән Кама администрациясенең матбугат хезмәте.

Моннан тыш, «Татавтодор» шулай ук республика программасы буенча Южная урамындагы юлны карталар белән ремонтлый.