Түбән Камада сәламәтлек саклау идарәсе башлыгын билгеләделәр

Бүген муниципалитетта үткән «эшлекле дүшәмбе» дә сәламәтлек саклау идарәсе башлыгы вазыйфасына Эльза Гыйльметдинованың билгеләнүе турында игълан ителде.

Элегрәк ул «Татарстан Республикасы Гигиена һәм эпидемиология үзәге» Түбән Кама филиалының баш табибыбулып эшләде.

Билгеләнү турында Түбән Кама муниципаль районы башлыгы урынбасары Александр Умников хәбәр итте.

«[Эльза Гыйльметдинова] медицина өлкәсендә төрле вазифаларда эшләде. Аны барлык сорауларны тирәнтен үзләштерә торган бик яхшы оештыручы буларак тасвирлыйлар. Мин ышанам, ул куелган бурычны уңышлы башкарып чыгачак», — дип билгеләп үтте башлык урынбасары.

Бүгенге көнгә кадәр Түбән Кама районы буенча Сәламәтлек саклау идарәсе җитәкчесе вазыйфаларын Зилә Хисмәтова башкарды.