Түбән Камада сакчылар, малярлар һәм поварлар таләп ителә

Мәгълүматны шәһәрнең «Халыкны эш белән тәэмин итү үзәге» бирде.

Хезмәт базарында бүгенгә иң кирәкле һөнәрләр: автобус йөртүчеләр, погрузчик йөртүчеләр, җитештерү һәм хезмәт биналарын җыештыручылар, ишегалды себерүчеләр, төрле эшчеләр, арматурщиклар, аппаратчиклар, җылылык челтәрләренә хезмәт күрсәтү буенча слесарьлар, слесарь-ремонтчылар, компрессор җайланмалары машинистлары, җылылык пункты операторлары, изолировщиклар, малярлар, электромонтажниклар, бетончылар, монтажниклар, стропальщиклар, төзелеш слесарьлары, эретеп ябыштыручылар, клепальщиклар, крановщиклар. Моннан тыш, шәһәрдә поварлар, тәрбиячеләр, сакчылар, укытучылар, табиблар, шәфкать туташлары һәм инженер-конструкторлар җитми.