Түбән Камада руль артына утырган яшүсмерләр саны арта

Түбән Кама районының балигъ булмаганнар эшләре буенча комиссиясе яшүсмерләрнең машина йөртү таныклыгы булмаган килеш рульгә утыру очраклары артуга җитди борчылу белдерә.

2025 елның июль аенда гына да комиссия каравына ЮХИДИдан берничә административ материал кабул ителгән.

9 һәм 16 июль утырышларында резонанслы хокук бозу очраклары каралды. Исерек килеш автомобиль белән идарә итү инциденты аеруча борчу тудыра — яшүсмергә РФ КоАП 12.8 маддәсе буенча 45 мең сум штраф салынды.

Тагын биш балигъ булмаган бала хокуксыз йөргән өчен 15 мең сум штраф алган, аларның транспорты махсус тукталышка урнаштырылган. Аерым очрак мопедны законсыз тапшыруга кагыла — транспорт чарасы хуҗасына 30 мең сум штраф салынган.

Комиссия вәкилләре искә төшерә: ата-аналар балаларының гамәлләре өчен үз җаваплылыгын аңларга тиеш, чөнки рульне яшүсмергә тапшыру төзәтеп булмаслык нәтиҗәләргә китерергә мөмкин. Белгечләр өлкәннәрне балаларның ялын контрольдә тотарга, аларга мондый гамәлләрнең куркыныч булуын аңлатырга һәм транспорт чараларын алу мөмкинлеген булдырмаска чакыра.