Түбән Камада рәссамнар белән очрашулар, мастер-класс һәм «Сәнгать төне» акциясе кысаларында концерт узачак

Түбән Кама «Сәнгать төне — 2023» Бөтенроссия акциясенә кушылачак. Өченче ноябрьдә комплекслы Музейда мәдәни программа оештырыла.

16-17:00 сәгатьләрдә рәссамнар белән «Бер картина тарихы» дип аталган очрашу узачак.

17-18 сәгатьләрдә энкаустика рәсем техникасы буенча мастер-класслар уздырылачак.

Шуннан соң «Русские узоры» халык уен кораллары ансамбле концерты башлана.

Кичә ахырында шәһәрнең яшь рәссамнары белән очрашу булачак. 

Чараларга керү ирекле.