Түбән Камада район һәм шәһәр Советлары сессиясендә коррупциягә каршы көрәш буенча фикер алыштылар

Түбән Камада район Советы һәм шәһәр Советының берләштерелгән сессиясе узды. Бу хакта ТКМР администрациясе матбугат хезмәте хәбәр итә.

Проектлар Түбән Кама муниципаль районы рәсми сайтында урнаштырылганлыктан, барлык мәсьәләләр дә депутатлар тарафыннан комиссия утырышында алдан каралган иде.

Шуңа күрә утырыш барышында контроль-хисап палатасының эшчәнлеге, үткәрелгән чаралар, эксперт-аналитик эш, узган ел коррупциягә каршы нинди эш башкарылуы турында хисаплар тыңланды.

Шулай ук сессиядә депутатлар тарафыннан балигъ булмаганнар эшләре һәм аларның хокукларын яклау комиссиясе составына кертелә торган үзгәрешләр расланды. Ахырда район Советының һәм шәһәр Советының 2023 елга эш планнары каралды.

Фото: ТКМР хакимиятенең матбугат хезмәте