Түбән Камада понтон күпере янындагы чүплекне бетергәннәр

Түбән Камада «Понтон күпере» тукталышындагы санкцияләнмәгән чүплекне бетергәннәр. Эшләрне «Төзекләндерү комплекслы предприятиесе» башкарды.

Администрациянең матбугат хезмәтендә билгеләп үтүләренчә, бу шәһәрне төзекләндерүгә генә түгел, әйләнә-тирә мохитне саклауга да өлеш кертү.

«Барлык халыкны калдыкларны утильләштерүгә җаваплы карарга һәм тиешсез урыннарда чүпләмәскә чакырабыз. Шәһәрнең чисталыгы — безнең уртак бурычыбыз!» — дип билгеләп үттеләр мэриядә.