Түбән Камада онкология авырулары булган балалар өчен мастер-класслар үткәреләчәк

20 майда Түбән Каманың «Ковер» яшьләр үзәгендә онкологик патологияле балалар өчен мастер-класслар узачак. Бу хакта шәһәрнең «Сила единства» хәйрия фондының Вконтакте социаль челтәрендәге төркемендә хәбәр ителә.

Программа үз эченә берничә мавыктыргыч чараны ала:

картинага карап рәсем ясау;
аппликация ясау;
хайваннар рәсемен ясау;
теләкләрне буяу;
гарәп хәрефләрен ясау һәм буяу;
диңгез тозы белән декор ясау.

Шулай ук программа планына гәүдә төзлегенә күнегүләр, интеллект-тренердан балалар өчен күнегүләр һәм балалар өчен җырлар башкару керә.

Чара иртәнге сәгать 11дә башланачак.