Түбән Камада өч чыршы базары эшли

Түбән Камада өч чыршы базарында тере наратлар сатып алырга була. Яшь наратлар хуш исле булулары, артык коелмаулары белән билгеле. Мондый агач өйдә озак торачак. Шул ук вакытта нарат чыршыдан арзанрак, һәм аны гадәттә чыршы базарларында саталар.

«Тере чыршы якынча мең сумга төшәчәк, ә шушы агачка охшаган ясалма чыршы 5-6 мең торачак», — дип сөйләде сатучы Кирилл Леонтьев.

Яшь наратларны Киров өлкәсе питомникларыннан алып кайталар. Аларны сәүдә үзәге янындагы аерым мәйданчыкта саталар.

Агачлар биеклеге буенча сортларга бүленгән: бер метрдан алып метр ярымга кадәр (уртача вариант), бер ярымнан ике метрга кадәр, шулай ук ике һәм өч метрлылары — соңгылары шәһәр читендәге йортлар һәм учреждениеләр өчен яраклы.

Дөрес тәрбияләгән очракта, агач купшылыгы һәм хуш исе белән озак сөендерәчәк — моның өчен аны сулы, тотрыклы нигезгә кую таләп ителә. Күпләр комлы чиләк куллана. Сатуда махсус тоткычлар да бар.

Түбән Камада чыршы базарлары 13 декабрьдә эшли башлады. Хәзер тере наратларны шәһәрнең өч ноктасында сатып алырга мөмкин. Сәүдә 31 декабрьгә кадәр дәвам итәчәк.