Түбән Камада МХО зонасындагы санинструктор өчен медикаментлар җыйдылар

Түбән Камада «Лекарь» позывнойлы сугышчыга гуманитар ярдәм тапшырдылар. Аны битараф булмаган шәһәр халкы җыйды. Махсус хәрби операция зонасында ир-ат санинструктор булып хезмәт итә. Сугышчыларга төрле ярдәм күрсәтергә туры килә, шуңа күрә дарулар җыелмасы да күп төрле, ди көрәшче.

«Тормышның барлык очракларына да — көнкүреш җәрәхәтләре дә була, башкалар да. Хәзер һава торышы үзгәрә, шуңа күрә авырыйлар да, салкын да тия. Димәк, кемгәдер күз, колак тамчылары, ә кемгәдер югары кан басымы дарулары кирәк», — дип сөйләде «Лекарь».

Медицина препаратлары төгәл исемлек буенча сатып алына. Даруларны җыю эшен «Добрые сердца» төркеме волонтерлары оештырды. Кирәкле әйберләрне кыска вакыт эчендә сатып алалар.

«Температураны төшерүче, кан басымыннан, витаминнар, авыртуны баса торган препаратлар кирәк иде. Кемдер акча, кемдер дарулар алып килгән. Бик оператив рәвештә җыйдык», — дип билгеләп үтте ТИҮС рәисе Лариса Орлова.

Волонтерлар үз эшләре өчен даими рәвештә сугышчылардан рәхмәтләр ала. Менә бу юлы да хатын-кызлар хәрбиләрдән чираттагы рәхмәт хаты кабул итте.

Түбән Камада гуманитар ярдәм җыю дәвам итә. Складларны кирәкле әйберләр белән битараф булмаган шәһәр халкы көн саен тулыландырып тора. Эш бер генә минутка да тукталмый, диләр волонтерлар һәм дошманны тулысынча җиңгәнче шулай булачак.