Түбән Камада музыка көллиятенең 55 еллык юбилеена зур концерт оештырылды

Түбән Камада 19 апрельдә бәйрәм концерты булды. Ул Салих Сәйдәшев исемендәге Түбән Кама музыка көллиятенең 55 еллык юбилеена багышланган иде.

Концерт программасында Сәрия Зәһриева җитәкчелегендәге камера оркестры, Зинаида Плетнева җитәкчелегендәге халык уен кораллары оркестры, колледжның иҗади коллективлары, педагоглар, студентлар һәм төрле еллардагы чыгарылыш укучылары чыгышын күрергә мөмкин иде.

Сәхнәдә шулай ук программа кунагы, Татарстан Республикасының атказанган мәдәният хезмәткәре Эльвира Гыйматдинова чыгыш ясады.