Медицина өлкәсенә 50 ел гомерен багышлаган Түбән Кама табибы Сергей Линьков вафат булды

Түбән Кама үзәк район күппрофильле хастаханәсенең матбугат хезмәте хәбәр иткәнчә, Сергей Николаевич 2025 елның октябрендә лаеклы ялга чыккан.

Сергей Линьков хирургтан реанимация бүлеге мөдире дәрәҗәсенә кадәр үткән һәм озак еллар анестезиолог-реаниматолог булып хезмәт күрсәткән. Аның эше һәрвакыт югары профессионализм, чыдамлык һәм кеше гомерләрен саклап калуга тугрылык үрнәге булды.

2024 елда ул «Призвание» һөнәри премиясендә «Һөнәргә тугрылык өчен» номинациясендә җиңүче булды.