Түбән Камада медицина хезмәткәрләре өчен йорт төзергә телиләр

Хакимият белән очрашуларда күренгәнчә, шәһәр халкын хастаханәләрдә табиблар һәм участковыйлар җитмәү проблемасы борчый. Түбән Кама мэры билгеләп үткәнчә, бу юнәлештә эш алып барыла. 

«Без эчке эшләр идарәсе белән һәр микрорайонның үз участковые булсын өчен полиция участок уполномоченныйлары өчен 25 микрорайонда 25 фатир бирү турында килештек», — дип сөйләде Рамил Муллин.

Түбән Камада медицина учреждениеләрен кадрлар белән якынча шул ук схема буенча тәэмин итәргә планлаштыралар. Хәзер табиблар өчен махсус күпфатирлы йорт төзү мөмкинлеге эзләнә.