Түбән Камада машина йөртүче җәүлене бәрдергән

Түбән Камада «Ларгус» йөртүчесе җәяүлене бәрдергән. Юл-транспорт һәлакәте Корабельная урамындагы 8А номерлы бина ишегалдында булган.

Бу хакта Россия Эчке эшләр министрлыгының Түбән Кама районы буенча Дәүләт автоинспекциясе идарәсенең матбугат хезмәте хәбәр итә.

Машина руле артында 1974 елгы ир-ат булган. Авария нәтиҗәсендә, 2000 елгы җәүле зыян күргән. Беренчел фаразлар буенча, аның тезе имгәнгән. Табиблар караганнан соң, шәһәрдәшне амбулатор дәвалануга җибәргәннәр.

Хәзер юл-транспорт һәлакәтенең барлык нечкәлекләре ачыклана.

Дәүләт автоинспекциясе машина йөртүчеләрне дә, җәяүлеләрне дә юлларда игътибарлы булырга чакыра, бигрәк тә начар һава шартларында һәм тәүлекнең караңгы вакытында. Җәяүлеләр күренү ихтималы булган урыннарда аеруча сак булырга кирәк.